Ба гузориши Икно аз нақли ал-Ҷазира, шаҳри Кувайт, ки дар соҳили шимолии ғарбии Халиҷи Форс ҷойгир аст, меҳмонӣ барои як қатор биноҳои таърихии барҷаста мебошад, ки боздидкунандагон ва сайёҳонро бо ҳар назарашон барои дидани ин мавзеъҳо, аз ҷумла Масҷиди бузурги Кувайт, ҷалб мекунад.

Ин масҷид яке аз бузургтарин масҷидҳои ҷаҳон аст ва бо тарҳрезии меъмор Муҳаммад Солеҳ Макие бо таркиби услубҳои Андалусӣ ва Шарқӣ, мутобиқ ба мероси меъмории анъанавии исломӣ, ки нишонаҳои меъмории Арабиро дар саросари деворҳои худ нишон медиҳад, тарҳрезӣ шудааст.

Сохтмони ин масҷид дар соли 1979 бо иштироки 50 муҳандис ва зиёда аз 400 коргар ва бо харҷи тахминан 45 миллион доллар оғоз ёфт.

Ин масҷид дар соли 1987 ифтитоҳ ёфт ва аз он вақт ба як макони ибодатӣ табдил ёфт, ки шумораи зиёди намозгузорони мард ва занро ҷалб мекунад, хусусан чун масоҳати умумии он метавонад беш аз 60,000 намозгузорро дар худ ҷой диҳад.

Таркиби меъмории Андалусӣ ва Шарқӣ

Али Шадод, мудири Масҷиди бузурги Кувайт, дар бораи ин мегӯяд: Масоҳати ин масҷид тақрибан 45,000 метри мураббаъ аст. Намозхонаи асосӣ метавонад 10,000 намозгузорро дар худ ҷой диҳад ва иқтидораш бо ҳавлҳо ва дигар ровақҳо ба ҳисоби умумӣ ба 60,000 нафар мерасад, ҳоле ки ин рақам дар моҳи Рамазон, махсусан дар шабҳои Қадр, ба тахминан 150,000 намозгузор мерасад.

Вай илова намуд, ки ороишот ва нақшҳо, ки дар рӯи деворҳо кандакорӣ шудаанд, дасти инсонианд ва барои сохтани онҳо талоши зиёде сарф шудааст.

Ба гуфтаи Шадод, ин масҷид дар шимоли шарқии шаҳри Кувайт ҷойгир аст ва масоҳати сохташудаи он 24,000 метри мураббаъ аст, ҳоле ки боқимондаги майдонҳо барои сохтани фонтанҳо ва кишт кардани дарахтони нахл ва дигар растаниҳо, ки роҳравҳои онро ороиш медиҳанд, ихтисос ёфтааст.

Қутби таълим ва тадқиқот

Масҷиди ҷомеи Кувайт на танҳо як шоҳкори меъморӣ ва як бинои ибодатии барҷаста аст, балки як мактаби илмии шеносоии шудааст, чунки дар он як китобхонаи калон ҷойгир аст, ки садҳо марҷаъи исломиро дар худ нигоҳ медорад ва ба муҳаққиқон дар корҳояшон кӯмак мекунад. Ғайр аз ин, он дорои як толор барои баргузории семинарҳо, суханрониҳо ва барномаҳои фарҳангӣ ва таълимӣ мебошад.

Ин масҷид дар воқеъ ду китобхонаи бузургро дар худ ҷой додааст, ки китобхонаи аввал ба коршиносону муҳаққиқон тахсис ёфта аст ва зарур аст, ки донед, ки Қуръони Усмони низ дар китобхонаи ин масҷид ва дар ин бахш қарор дорад.

Китобхонаи дуввум ҳамчунин як китобхонаи ҷаҳонӣ аст ва китобҳое, ки ба забонҳои ғайри арабӣ таҳия шудаанд, ва барои ғайри мусалмонҳо ва ғайри арабзабонон тахсис ёфтааст.

 

 

4323172